ഹജ്ജ് :- സൗദിഅറേബ്യക്ക് വൻ പിന്തുണ.

റിയാദ്:- കോവിഡ് 19 തടയുന്നതിന്റെ ഭാഗമായി ഈ വർഷത്തെ ഹജ്ജ് കർമ്മങ്ങൾക്ക് ഏർപ്പെടുത്തിയിട്ടുള്ള നിയന്ത്രണങ്ങൾക്ക് പിന്തുണയുമായി വിശ്വാസികൾ.

കർശന നിയന്ത്രണങ്ങൾ ഉൾപ്പെടുത്തി മാത്രമായിരിക്കും ഈ വർഷത്തെ ഹജ്ജ് കർമ്മങ്ങൾ നടക്കുക എന്ന സൗദി അറേബ്യ നേരത്തെ തന്നെ അറിയിച്ചിരുന്നു.

സൗദി അറേബ്യയിൽ ഉള്ള സ്വദേശികൾക്കും വിദേശികൾക്കും മാത്രമായിരിക്കും ഈ വർഷത്തെ ഹജ്ജ് കർമ്മങ്ങളിൽ പങ്കെടുക്കാൻ അനുവാദം ലഭിക്കുക.

65 വയസ്സിനു മുകളിൽ പ്രായം ഉള്ളവരെ ഹജ്ജ് ചെയ്യാൻ അനുവദിക്കുകയില്ല. അതുപോലെതന്നെ വിട്ടുമാറാത്ത രോഗമുള്ളവർക്കും ഈ വർഷം ഹജ്ജ് ചെയ്യാൻ അനുമതി ലഭിക്കുകയില്ല എന്ന് സൗദി ആരോഗ്യ മന്ത്രി ഡോക്ടർ തൗഫീഖ് അൽറബിഅ അറിയിച്ചു.

ഹജ്ജിന് പോകുന്നവരെ Covid വൈറസ് പരിശോധനയ്ക്ക് വിധേയമാക്കും .ഹജ്ജ് ചെയ്തതിനുശേഷം എല്ലാ തീർഥാടകരും 14 ദിവസത്തെ ക്വാരന്റിനിൽ കഴിയണമെന്ന് നിർദേശിച്ചിട്ടുണ്ട് .

തീർത്ഥാടകരെ സേവിക്കുന്നതിന് വേണ്ടി എത്തുന്ന ആളുകൾക്കും ഈ നിർദേശങ്ങളെല്ലാം ബാധകമാണ് എന്ന് സൗദി ആരോഗ്യ മന്ത്രി അറിയിച്ചു.

നിയന്ത്രണങ്ങൾ ഏർപ്പെടുത്തിയിട്ടുണ്ടെങ്കിലും ഈ വർഷവും ഹജ്ജ് കർമ്മങ്ങൾ നടക്കുന്നുണ്ട് എന്നുള്ളതിൽ സന്തുഷ്ടരാണ് വിശ്വാസികൾ.

RRNews ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം. വാർത്തകൾ വേഗത്തിൽ അറിയാൻ ഫേസ്ബുക്, ട്വിറ്റർ അക്കൗണ്ടുകളും ഫോളോ ചെയ്യാം